$100任食酱油蟹!!! 韩国地胆美食推介(上)

A惠生活 979浏览 45评论 来源:申博官网备用网址_大神娱乐安卓版下载
韩圜低处未算低,个个都想趁住假期去返转,扫货湿平之余,仲要食匀今期首尔潮食。不过韩妹韩仔太花心,唔新鲜唔锺意,前一阵子仲兴梗的詹姆士芝士排骨,今日只係净得游客会去朝圣,换画速度快过换囝囝。究竟今期韩国人食紧咩?就由一班韩国地胆带路,推介心水餐厅,食匀最平,最好味的韩食!

$100任食酱油蟹!!! 韩国地胆美食推介(上)

扫街小食篇

香港地锺意赶绝小贩、小店,不过韩国小食档就开到成行成市,游客去到必定扫返一圈!街边档和小店仲会不时变变新花样,一于由地胆介绍今期扫街之选!

人人争住手臂伸延

Mozzarella 汉堡

拉芝度:★★★★★

近年韩国餐桌出场率最高的潮食,必定要数芝士!韩国人对芝士的疯狂程度,由去年头大热的「詹姆士芝士排骨」,烧到今年都依然继续「拉芝」!韩国快餐店Lotteria 去年底推出一款全新的水牛芝士汉堡,一开卖就凭住强劲的拉芝长度成为网络热话!汉堡标榜採用 99.9 % 全天然芝士,加上即叫即製,柯打之后要等约15分钟,打开只见两块炸薯饼,原来其中一块是薯仔皮酿入水牛芝士,轻易一拉,就做到拉芝效果,记者现场实测拉到30cm!不过,妈咪教落唔好玩食物,因为冷却的芝士特别难入口,反而趁热食,薯仔皮脆卜卜,加上芝士质感轻软浓味,好感动!拉芝汉堡非期间限定产品,之后去开韩国都继续有得食!

$100任食酱油蟹!!! 韩国地胆美食推介(上)

Model第一次试就拉到手臂咁长啦!

$100任食酱油蟹!!! 韩国地胆美食推介(上)

水牛芝士汉堡(Double)

净叫W5,300/HK$33,跟餐W6,900/HK$43

Double的不同之处就是多一块汉堡扒,自认大食的可以挑战!

馅料:(上至下) 薯饼、车打芝士片、汉堡扒、水牛芝士)

$100任食酱油蟹!!! 韩国地胆美食推介(上)

水牛芝士汉堡(薯饼)

净叫W4,500/HK$28跟餐W6,100/HK$38

汉堡没有夹生菜和加沙律酱,食到一半已经开始觉得滞。

馅料:(上至下) 薯饼、车打芝士片、水牛芝士)

$100任食酱油蟹!!! 韩国地胆美食推介(上)

呢两位仁兄拉芝拉到七情上面,抵你哋红啦!

$100任食酱油蟹!!! 韩国地胆美食推介(上)

拉芝拉到咁,边个够你玩?

$100任食酱油蟹!!! 韩国地胆美食推介(上)

一推出嗰阵,仲有斗拉芝比赛。

$100任食酱油蟹!!! 韩国地胆美食推介(上)

Model都唔输蚀,拉到超过30cm!

$100任食酱油蟹!!! 韩国地胆美食推介(上)

Blogger Pat

拉芝秘诀在于一定要热,一拎到手就要即刻食,摊冻咗就无得玩!不过要玩亦唔好拉咁长,因为拉长芝士好快就冻,变冻后味道和口感都会大打折扣!

Lotteria快餐店

地址:官方网页分店全地址

电话:+82(0)2-2265-0374

营业时间:24小时

备注:全线Lotteria有售

明洞芝士热!

Kono Pizza 人气手握Pizza卷

拉芝度:★★★

拥有10年历史的韩国Pizza老店,去年中进驻明洞路边小店卖pizza卷,5款口味即叫即整,皮身烧得香脆,我柯打的芝士味用上水牛芝士,拉芝力不算强,不过胜在味道浓郁!

$100任食酱油蟹!!! 韩国地胆美食推介(上)

Margherita Pizza卷W6,000/HK$38

$100任食酱油蟹!!! 韩国地胆美食推介(上)

见识过拉芝汉堡,呢个拉芝程度已经唔惊喜啦!

KONO PIZZA

地址:明洞8街39,明洞CGV侧

营业时间: 4pm-11pm(星期一至五)、

2pm-11pm(星期六、日)

前往方法:明洞站6号出口直行,于CGV旁

芝士糕串 板烧奶香年糕串

拉芝度:★

明洞的小食档唔使畀「管理员」赶,仲可以光明正大在大街摆卖,吸引不少人排住队等食。呢期最兴的要数烤芝士年糕串,随时都见到4、5个客排队,老闆用平底镬慢烤,加上炼奶,年糕口感烟韧,烧香的芝士奶味浓郁,连减紧肥的记者都忍唔住密密食。

$100任食酱油蟹!!! 韩国地胆美食推介(上)

奶油芝士串W3,000/HK$19

奶油芝士档

地址:明洞8街2

营业时间:每日5pm-11pm

前往方法:明洞站6号出口直行

梨泰院 啜啜啤一口牛扒杯

牛肉Combo

韩国男女都锺意饮酒,连扫街小食都离唔开啤酒!去年底梨泰院开业的「Road Steak 」主打牛扒外卖杯,杯面放上即烧切成一粒粒的西冷牛扒、带子、鲜虾、车厘茄和薯菜,底部可以装汽水或者啤酒,就可以边行边饮,毫不论尽!自从饮食节目《滋味行》介绍过,不少人排大队都要试,成日都有人龙,记者柯打完都要等大概20分钟先拎到!

$100任食酱油蟹!!! 韩国地胆美食推介(上)

西冷扒Combo:W7,900/HK$50(配汽水),W8,900/HK$56(配啤酒)

虽然只係外卖杯,但牛扒不马虎,入口肉香细緻,油份恰到好处,切埋一粒粒,方便拎住食。

$100任食酱油蟹!!! 韩国地胆美食推介(上)

店员。南威俊/店长。高俊石

我们採用高级西冷牛扒,每日新鲜运到,每块煎到七八成熟,如果你有特别要求亦可以在落单时讲明。

$100任食酱油蟹!!! 韩国地胆美食推介(上)

当街饮啤都唔会有人发现,绝对是保持淑女形象之选!

$100任食酱油蟹!!! 韩国地胆美食推介(上)

店门外挤满落完柯打、轮候外卖杯的食客。

Road Steak

地址:首尔市龙山区绿沙坪大路230

电话:+82-(0) 1899-5721

营业时间:11am-10pm

前往方法:绿沙坪站2号出口直行5分钟,经隧道到对面马路

网址:roadsteak.com

梨泰院 朱古力熔浆 Churros

绿沙坪大路小食店林立,最吸引的非连锁店「Street Churros 」莫属,开业2年依然有不少捧场客。经过早前韩综《非首脑会谈》再度炒热,韩国人IG 又再被这一家的churros 洗版。经过店门已经传来阵阵肉桂香,令人食指大动,主打的churros 即叫即压再用新油炸至金黄色,洒上小量肉桂粉,没有令人讨厌的油膉味。口感鬆化,热辣脆口的churros 配埋软滑的士多啤梨雪糕,味道酸酸甜甜多重口感。

$100任食酱油蟹!!! 韩国地胆美食推介(上)

朱古力浆churrosW3,500/HK$22

油炸的Churros 蘸上热烘烘的朱古力,保留西班牙最传统食法和味道。

$100任食酱油蟹!!! 韩国地胆美食推介(上)

士多啤梨雪糕churrosW3,000/HK$19

店内另有云呢嗱、苹果和朱古力三款雪糕口味可选。

$100任食酱油蟹!!! 韩国地胆美食推介(上)

Blogger 索尼客

首尔兴咗churros成年,但人气不减,愈开愈多。我食过咁多间之中,呢一间最值得推介,价钱唔贵之余,即製的churros外脆内软,味道一流!

$100任食酱油蟹!!! 韩国地胆美食推介(上)

Street Churros本店

地址:首尔市龙山区绿沙坪大路222

电话:+82-(0)2-792-1489

营业时间:每日1pm-11pm

前往方法:绿沙坪站2号出口步行7分钟

网址:streetchurros.com

明洞巧打耳熊大布朗尼

Line Friends

继新沙和梨泰院分店陆续开幕,Line Friends 在去年12月在明洞又开多一间2层高的旗舰店,虽然店面面积无梨泰院大,亦都无Line café 畀粉丝坐低影相打卡,不过就胜在位置够方便,坐落明洞大街,喺正衫店「Spao 」隔篱,基本上去开明洞都一定会经过。见到门口2层高的熊大公仔,粉丝一定举晒白旗,走入去买到银包大缩水。疯狂扫周边产品之余,门口亦都有小食摊位,必抢熊大造型的迷你蛋糕或者Brownie,边行街边食一样得。

$100任食酱油蟹!!! 韩国地胆美食推介(上)

熊大造型迷你蛋糕

W5,000/HK$31(8个装)W8,000/HK$50(14个装)

蛋糕新鲜出炉,趁热食够鬆软,入面仲有奶油馅。

$100任食酱油蟹!!! 韩国地胆美食推介(上)

Blogger Ivy

迷你蛋糕最得意,暂时得明洞和梨泰院店先有得卖。加上细细粒最啱扫街食,不过奶油馅再多啲会更加好!

$100任食酱油蟹!!! 韩国地胆美食推介(上)

熊大朱古力布朗尼 W15,900/HK$100

布朗尼造型满分,外脆内滑,不过朱古力味超浓厚,非极度嗜甜的人,建议搵返个朋友一齐share。

$100任食酱油蟹!!! 韩国地胆美食推介(上)

小食店内有卖约10款甜品如曲奇、朱古力、cup cake等。

打卡PhotoSpots!

$100任食酱油蟹!!! 韩国地胆美食推介(上)

PhotoSpots 1 入门必影!巨型熊大

$100任食酱油蟹!!! 韩国地胆美食推介(上)

PhotoSpots 2 同Cony一齐卖萌

$100任食酱油蟹!!! 韩国地胆美食推介(上)

PhotoSpots 3 冧女情圣James

Line Friends Store明洞店

地址:首尔市中区明洞8街9

电话:+82(0) 2-318-7942

营业时间:10am-11pm

前往方法:明洞6号出口左转步行2分钟,于「Spao 」旁

怒海鲜篇

人人皆知,韩国食海鲜比香港抵得多!但在地胆介绍之下,先知道咩叫做真正的平民价,超平大锅海鲜,同埋唔使200蚊的食蟹放题,我见过!我真係见过,仲食埋㖭!

每位$100 55cm霸气海鲜炉香港人一年四季都爱打边炉,韩国人唔兴烚下烚下,不过就最锺意食蒸海鲜锅。年前的九层海鲜锅赢尽话题,但讲到当地人真心捧场的,就要数蒸海鲜锅的连锁店「」。他们主打的55cm 超大海鲜锅绝对唔输蚀, 出名又抵又足料。釜山本店在13年开业后,仲进军埋首尔,就知当地人buy!

店内只卖蒸海鲜锅,分四款不同大小,专诚来到当然要见识特级size 有几特级啦!锅内海鲜大部分由釜山每星期直送,有1只花蟹、3只鲍鱼、5只花扇贝、6只大蚬、8只带子、数不清的青口、鱿鱼、圆蚬、名州贝和百合贝等等超过10款海鲜,巨锅上枱后店长更在水槽即捕一只生猛八爪鱼放面先至盖上锅盖开火,蒸煮15分钟就可开餐!汤底以韭菜、洋葱、海带和胡椒熬成,煮完一锅海鲜都没有腥味, 食到最尾加埋刀削麵, 吸收海鲜汤的精华, 每一啖都好鲜甜!特级大小只要W63,000/HK$395,我们一行5人饱到摸住肚腩离开,每人都唔使一百蚊!

$100任食酱油蟹!!! 韩国地胆美食推介(上)

小W38,000/HK$238

中W48,000/HK$301

大W58,000/HK$364

特级W63,000/HK$395

$100任食酱油蟹!!! 韩国地胆美食推介(上)
食到最尾已经好饱,但千祈唔好嘥,加多W2,000/HK$13,叫一份刀削麵,麵身吸晒海鲜汤的精华,绝对是必食之选!
$100任食酱油蟹!!! 韩国地胆美食推介(上)
两个女仔食细锅都好够,如果食到一半嫌唔够喉,可以畀多2万圜加码贝类。
$100任食酱油蟹!!! 韩国地胆美食推介(上)
店长。河青均:我们店内大部分海鲜都由釜山直送,每星期一、四都会到货,想食最新鲜的,可以在呢两晚帮衬!
$100任食酱油蟹!!! 韩国地胆美食推介(上)
天黑6点已经坐满本地客,人气爆棚仲要等位!

$100任食酱油蟹!!! 韩国地胆美食推介(上)$100任食酱油蟹!!! 韩国地胆美食推介(上)

Blogger Ruby : 好多韩国朋友都介绍我食呢间,出晒名抵食又好味!首尔5间分店都集中平民住宅区,当中新道林店与永登浦只有一站之隔,距地铁出口只有5分钟路程,好方便。

Sug-ine Jogaejeongol

地址:首尔市九老区九老洞 30-32

电话:+82(0)2-861-6522

营业时间:5pm – 2am

前往方法:新道林站3号出口步行5分钟

2万圜有找!酱油蟹任

在香港食酱油蟹,一只索价起码二百蚊!即使在韩国传统酱蟹店,价钱亦相差无几。但位于麻浦区广兴仓站专门食酱油蟹的「」,一个人最平只要W15,900/HK$100,就可以无限refill、无限时任食酱油蟹和辣蟹!店内亦提供其他任食package,贵少少一人W19,900/HK$125, 仲包埋蟹汤任叫和3只酱油虾!

$100任食酱油蟹!!! 韩国地胆美食推介(上)
食酱油蟹最忌一味死鹹,但这里的蟹味鲜甜,蟹膏亦都不少!

以为平嘢无好?食落好有咬口!吮一啖,蟹肉连同酱汁入口,鲜甜不带腥。一边食一边怀疑点解咁平?老闆亲自解画,用的蟹偏小,每只约4両重,不过蟹仔细细, 肉质却出奇地饱满,酱油的香味更能充分渗透入内。所有蟹来货自仁川,经过最少3日腌製,先会畀客人食,够晒入味。每次收到客人 refill 柯打后,再从冰柜取蟹,即场拆蟹逐只抹上秘製酱料,亦都保证卫生。如此高性价比,所以开业未够一年,在本地客之间已经甚有名气。记者採访当日,平日午饭时 段全场爆满,场内八成都是附近街坊。蟹癡一定要把此店放入行程之内,提前在午饭、晚饭时间之前到达,仲唔使等位!

$100任食酱油蟹!!! 韩国地胆美食推介(上)
酱油虾味道鲜甜啖啖肉,不过任食价只包3只,要encore每只W1,500/HK$9。
$100任食酱油蟹!!! 韩国地胆美食推介(上)
辣蟹上沾满辣酱,辣得来带微甜,好惹味。不过太辣盖过蟹鲜,比较适合嗜辣朋友的口味。
$100任食酱油蟹!!! 韩国地胆美食推介(上)
蟹汤够足料,锅内有完整一只蟹和大量芽菜,不会因为任食而马马虎虎,每一口都鲜味十足。
$100任食酱油蟹!!! 韩国地胆美食推介(上)
老闆 李在熙:我们在弘大有另一间分店,不过分店不提供酱蟹无限refill,要歎大件夹抵食的,就要识路嚟本店啦!

 

$100任食酱油蟹!!! 韩国地胆美食推介(上)
首尔人。李在赫:平时食酱油蟹好贵,但呢度价钱平民,成日帮衬都唔肉赤。
$100任食酱油蟹!!! 韩国地胆美食推介(上)
Blogger 索尼客:在韩国传统街市食酱油蟹最平,一只约1万圜就有交易。不过担心卫生程度的,去专门店较有保证,在这里食两只已经回本!我呢次食足6只, refill 两次,阿朱妈店员都无黑面!
$100任食酱油蟹!!! 韩国地胆美食推介(上)
店子位于住宅区,大多数係街坊客为主。

$100任食酱油蟹!!! 韩国地胆美食推介(上)

Kkochgelangs Saeulang

地址:首尔市麻浦区玄石洞 1-9

电话:+82(0)2-706-2828

营业时间:11am – 10pm

前往方法:广兴仓站4号出口步行10分钟

$187 无限时爆蟹膏放题 无限refill!

要在首尔食新鲜的海鲜,不一定要在鹭梁津市场被人劏。过两个站的永登浦,位置唔算隔涉,可以行完永登浦地下街,再行5分钟去到楼高三层的食蟹专门店「」,用W29,800/HK$187任食韩国红蟹,围起唔使两嚿水,呢口价已经抵到爆啦!一入店门,已经见到装满水槽的红蟹,另有皇帝蟹、松叶蟹和龙虾等海产则按时价收费。老闆话每2日, 就会由江原道束草入货, 保证新鲜。所有蟹都是即叫即蒸,落柯打之后等15分钟左右,大大只的红蟹终于上枱,只只都起码有600g!老闆示範一次拆蟹后,我们立刻开动,话都唔多讲一句,食到舐晒脷,蟹膏肥美满满,食落鲜味十足。蟹脚肉鲜美结实,虽然份量比不上长脚蟹,但肉量亦都不少!当日食足两轮,一人至少食6只先肯收手,不过都比唔上隔篱枱的本地客,成枱蟹壳起码一人食足十只!唯一挑剔是任食红蟹比较单调,另叫蟹汤和蟹饭先满足,不过价钱都唔算贵。

$100任食酱油蟹!!! 韩国地胆美食推介(上)
(左)韩仔 朴太成:呢两年首尔的无限refill店愈开 愈多, 烧肉、烧贝的就见得多,但红蟹价格比较贵,做到任食红蟹的真係好少有!呢一间红蟹足料又好味, 唔係得个大字,而係好有蟹鲜味,绝对要推介畀朋友。
$100任食酱油蟹!!! 韩国地胆美食推介(上)
爆蟹膏!拆开蟹身就见到淡黄色软膏,糯软浓稠,蟹味浓郁甘香。
$100任食酱油蟹!!! 韩国地胆美食推介(上)
所有蟹即叫即蒸,每次Refill要等15分钟,不过唔做大嘥鬼,食完先至再嗌。
$100任食酱油蟹!!! 韩国地胆美食推介(上)
蟹汤拉麵W5,000 /HK$31,午市时段最受本地人欢迎,平平地就有蟹食,汤底鲜辣。
$100任食酱油蟹!!! 韩国地胆美食推介(上)
蟹饭W3,000 /HK$19,加入蟹肉、芝麻炒饭,味道不算香,反而饭焦底更惊喜。
$100任食酱油蟹!!! 韩国地胆美食推介(上)
水槽内的红蟹堆到爆一爆,店员即捞即蒸,只只都好生猛。
$100任食酱油蟹!!! 韩国地胆美食推介(上)
店内亦有卖皇帝蟹,不过以时价计1kg要W87,000/HK$550, 价钱唔算抵,叠埋心水食红蟹放题已经足够。
$100任食酱油蟹!!! 韩国地胆美食推介(上)
店员见我们食得状甚狼狈,都忍不住前来帮手示範拆蟹。
$100任食酱油蟹!!! 韩国地胆美食推介(上)
老闆 曹今兰:20年以来一直主打做开生鱼片和皇帝蟹的生意,在去年 9 月先开始做埋任食红蟹,食客反应劲好,之后都会一直做落去!

$100任食酱油蟹!!! 韩国地胆美食推介(上)

Daege Jaldoeneun Jib

地址:首尔市永登浦区永登浦4街98-12

电话:+82(0)2-267-3397

营业时间:10:30 am – 2am

前往方法:永登浦站3号出口步行5分钟

首尔好食地图

$100任食酱油蟹!!! 韩国地胆美食推介(上)
今期介绍过的小食及暴食可以跟住呢个地图去鲸吞:goo.gl/yqtLLZ

 

与本文相关的文章