$190懒人露营计划!终极大海景 摩星岭 周末游

Y北生活 519浏览 49评论 来源:申博官网备用网址_大神娱乐安卓版下载
唔知大家会唔会有以下情况,每次计划露营嘅成事率低于10%,而每次受到阻碍嘅原因并唔係个friend甩底,而係三个字:太.麻.烦!有谁共鸣?日日返工已经够哂攰,谂起放假仲要租营帐、带被铺、买嘢食、安排煮食工具,吖!仲有带多两套衫惊出汗无凉沖……真係谂起都头痕!

本来记者以为呢世都去唔成,但竟然畀记者发现香港青年旅舍( 摩星岭)最近推出咗个「两手FING-FING去露营」计划,每人百几蚊就帮大家準备好哂露营嘅所有嘢!哗,咁讲法,今日book 听日就可以出发啦喎!

一条龙露营服务?

讲到明係「两手FING-FING去露营」,以上提到所有嘅露营烦恼大家都唔驶担心~事关计划会包哂专人铺床、搭营服务,等唔识搭营嘅新手都可以一尝露营滋味。另外,仲可以用旅舍嘅淋浴设备,畀大家沖埋凉,唔驶留住汗臭过夜同有免费穿梭巴士接送,可以轻轻鬆鬆去露营。

而对于为食友嚟讲,食先係最紧要!计划亦提供旅舍厨房,大家入嚟想食乜就煮乜,唔驶吓吓净係煲公仔麵咁㝰喇!大家如果连嘢食都唔想带埋入去的话,不妨考虑加钱订旅舍提供嘅海鲜烧烤包(有蒜蓉牛油芥末纽西兰青口、美国安格斯牛扒、法式蒜蓉包等)~第二日早餐亦唔需要操心,计划包咗早餐食材,等大家可以试吓野外煮早餐,正!

$190懒人露营计划!终极大海景 摩星岭 周末游

计划包括专人铺床、搭营服务。

 

$190懒人露营计划!终极大海景 摩星岭 周末游270度观景台,睇匀哂维港、青马大桥和离岛区海景。

$190懒人露营计划!终极大海景 摩星岭 周末游

营地有乜睇?

今次计划 地点係位于香港岛嘅赛马会摩星岭青年旅舍营地,位置面向东博寮海峡和硫磺海峡,仲有个特设270度观景台,畀大家一次过睇匀哂维港、青马大桥和离岛区海景!另外,沿旅舍旁嘅登山小径行上去,更可以睇埋摩星岭炮台军事遗迹群,欣赏二次大战时嘅历史建筑,露营都上到历史堂喎!

$190懒人露营计划!终极大海景 摩星岭 周末游
赛马会摩星岭青年旅舍营地
$190懒人露营计划!终极大海景 摩星岭 周末游
一场来到,当然要吸收新鲜空气,伸展筋骨!
$190懒人露营计划!终极大海景 摩星岭 周末游
夜景亦非常迷人,天气好时可以睇到星空!
$190懒人露营计划!终极大海景 摩星岭 周末游
摩星岭炮台军事遗迹群。
摩星岭旅舍:两手fing-fing去露营

地址:赛马会摩星岭青年旅舍

价钱:港币380元(两位),其后每位另加港币140元 (最多4位)

参加人数:2-4人(每营)(计划需二人以上参与)

预订方法:致电2817 5715 或电邮至 md@yha.org.hk

查询热线: 2817 5715

计划详情

与本文相关的文章