$158任饮任食冬荫公火锅

Y北生活 146浏览 70评论 来源:申博官网备用网址_大神娱乐安卓版下载

(Presented by 鸣门集团)

上星期收到朋友报料,话九龙湾有间泰国餐厅晚市buffet做特价,$158就可以有两小时任饮任食泰式火锅!$158?就算喺屋邨酒楼劣食打边炉都未必做到呢个价钱啦!到底呢个传说中性价比极高嘅泰式buffet有冇料到?立即睇我Dining娜试食报告啦!

推介一.极浓冬荫公汤底

打边炉最紧要有个炉之外,更重要嘅就係汤底。呢度有两款正宗泰式风味嘅汤底任君选择,喜欢辣嘅朋友可以拣冬荫公汤,怕辣嘅可以拣椰汁鸡汤。Dining娜同朋友都係好辣之士所以order咗冬荫公汤底!

锺意重口味嘅朋友,呢度嘅冬荫公汤底一定啱晒你。据主厨所讲汤底比平时饮开嘅冬荫公味道更浓,酸辣味道更出,简直色香味俱全。所以大家喺正式开始打边炉之前,都一人饮咗一碗冬荫公汤开胃先!

$158任饮任食冬荫公火锅
冬荫公加上花奶,令汤底更香更滑。

推介二.40款火锅配料任叫任食

$158任饮任食冬荫公火锅

除咗有好汤,更有好料!唔好以为$158嘅火锅就会将货就价,呢度40款火锅配料任叫任食。由基本嘅肥牛、豚肉、丸类到菜类都一应俱全,当中更有鱿鱼鬚、墨鱼片同鲜大蚬都係任叫!你睇下只大蚬真係有拳头咁大!每样配料索晒冬荫公味真係食到停唔到口!

$158任饮任食冬荫公火锅
蔬菜选择多达十几款,啱晒我哋呢啲健康人士。

推介三.超丰富沙律甜品吧

$158任饮任食冬荫公火锅

除咗有热辣辣嘅火锅任食,隔篱嘅自助沙律甜品吧都係任食!我Dining娜特别喜爱沙律。呢度有金柚大虾沙律、青木瓜凤爪沙律、泰式海鲜沙律、泰式猪颈肉沙律,全部都非常出色。甜品方面就有椰汁西米糕、斑兰千层糕同泰式啫喱。另外仲有生果盘俾大家refresh一下口腔。

$158任饮任食冬荫公火锅
虽然沙律甜品吧範围唔大,但胜在质量高!另设自助饮品吧,汽水啤酒任饮,亦可加钱叫其他泰式饮品如鲜椰青、珍多冰、青柠梳打等等。

同场加映:

$158任饮任食冬荫公火锅
7:30pm后入座,4人同行,再送小食两碟!当中泰式生虾刺身爽口啖啖肉;而泰式拼盘亦不过不失!
$158任饮任食冬荫公火锅
同场再加映:芒果椰汁糯米饭。最后就算几饱都好,去到每一间泰国菜都必须要食,芒果椰汁糯米饭乜乜乜。加$28即可以歎到嘅芒果椰汁糯米饭。双色糯米饭甜而不腻,烟烟韧韧。为整个泰式buffet作结最好不过。

后记:

呢间泰国餐厅位于九龙湾宏照道国际交易中心,即MegaBox同零碳天地附近,地点就脚,加上附近环境清幽,加添餐厅嘅泰国风味。

$158任饮任食冬荫公火锅
因为我哋由5点半开始buffet,所以周围环境依然好光猛。

埋单嘅时候大家望下张单,每位真係只收$158,仲免收加一,真係「抵食到爆」!最后侍应姐姐提醒我哋,星期六、日都係收呢个价钱,而且经常都full-booking,所以想食记住要尽早订位。

SIAM AI Fresco Dining

地址:九龙湾宏照道33号国际交易中心2楼3号舖

电话:2790 3288

2小时任食泰式火锅:

星期一至日 5:30pm-7:30pm

收费:$158(已包加一服务费)

星期一至日 7:30pm-10:00pm

收费:$188(已包加一服务费)

与本文相关的文章